Plan de traballo
Ante as necesidades e demandas expostas pola Entidade Urbanística de Conservación da Granxa, centradas na mellora global das infraestruturas e servizos do polígono, Coto e Carrera formalizaron un plan de traballo que hai que realizar desde hoxe mesmo. Durante o transcurso da reunión expuxéronse as liñas de actuación do Concello, “un compromiso formal tanto por parte da Concellaría de Industria como de Vías e Obras, composto por unha serie de actuacións importantes de apoio á entidade ”, afirma Carrera.
Desta maneira, o Concello colocará a catro dos seus traballadores permanentemente no polígono para a realización de labores de saneamento, limpeza, de mellora e mantemento do mobiliario urbano, así como das rotondas, beirarrúas, iluminación e asfaltado das vías principais, a recolleita colectiva dos colectores e a eliminación de vertedoiros incontrolados, entre outras tarefas. Neste sentido, o concelleiro de Industria apela “á responsabilidade de todos os empresarios alí asentados en pór en valor o propio polígono, un dos máis importantes de Galicia”, destacando que será inflexible en ordenar o cumprimento das ordenanzas municipais.
http://blogs.apeneira.com/lourinha/2010/03/o-concello-do-porrino-expon-in-situ-as-suas-linas-de-actuacion-na-mellora-e-conservacion-do-poligono-da-granxa/